ل مانیسایێ ب سه‌ده‌ما په‌كه‌كێ 10 کەس هاتن دەستەسەرکرن

ل پارێزگەها مانیسایێ یا ترکیێ، ب سه‌ده‌ما «ئەندامه‌تی و پرۆپاگاندایا په‌كه‌كێ» 10 کەس هاتن دەستەسەرکرن.

سەردۆزگەریا کۆمارێ یا مانیسایێ، ب سه‌ده‌ما کو «ل دەرڤەیی وەلات خەباتێن چەکداری کرنە و ل سەر مەدیایا جڤاکی پرۆپگاندایا په‌كه‌كێ کریە» دەربارێ 10 کەسان دە بریارا دەستەسەرکرنێ دا.

تیمێن شاخا تەرۆرێ یا رێڤەبەریا ئەولەهیێ یا مانسایێ دوهـ د چارچۆڤەیا بریارا سەردۆزگەریا کۆمارێ یا مانسایێ دە دەست ب ئۆپەراسیۆنێ کر.

د ئۆپەراسیۆنێ دە 10 کەس هاتن دەستەسەرکرن.

هێزێن ئەولەهیێ ئەو برن رێڤەبەریا ئەولەهیێ یا مانیسایێ.

ل ترکیەیێ و باکورێ کوردستانێ، هێزێن ئەولەهیێ رۆژانە ب سەر مالان دە دگرن و ب «سه‌ده‌ما په‌كه‌كێ» خەلکێ سڤیل و سیاسەتمەدارێن کورد دەستەسەر دکن.