مرنا كه‌چه‌كا دن یا 14 سالی د ناڤا پارتیا كاركه‌ران ده ئاشكه‌ره بوو، دیله‌ك كو ژ شرنه‌خێ یه په‌كه‌كێ ل سالا 2017ێ دابوو كوشتن و ژ نوو ئیرۆ مالباتا وێ ب مرنا وێ هین بوو.
رێخستنا په‌كه‌كێ ناسنامه‌یا كه‌چه‌كه دن یا كورد ب ناڤێ «دیله‌ك زه‌كی» ئاشكه‌ره كر كو ل 27 كانوونا سالا 2017ێ ل باشوورێ كوردستانێ ب ده‌ستێ ئارتێشا ده‌وله‌تا ترك دا یه كوشتن و ئیرۆ پاش ده‌رباسبوونا 6 سالان ژ نوو ڤه مرنا وێ ئیفشا كر.
پارتیا كاركه‌ران د داخویانییا راگهاندنا مرنا ڤێ زارۆكێ ده وه‌كه هه‌ر جار گۆتیه: ئه‌و ملیتانا ئاپۆ و فه‌دایی یا ئاپۆ بوو!.
كه‌چا ب دیله‌ك وه‌كه ب هه‌زاران كه‌چێن دن یێن كوردان ل سه‌ر ده‌ستێ پارتیا كاركه‌ران هاتیه خاپاندن و د شه‌ره‌كی بێ واته ده هات فه‌دا كرن، ل ده‌مه‌كێ هێژان ته‌مه‌نا وێ ته‌نێ 14 سالن.
پارتیا كاركه‌ران كو ئێدی مرۆڤ دكاره ناڤێ پارتیا زارۆككوژان لێ بكه، ژ بۆی چێكرنا شه‌رڤانان پشت به‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه و ئه‌ڤ یێك ژ هێلا رێخستنێن ناڤده‌وله‌تی ڤه هاتییه ته‌سپیت كرن.
