ئیستخباراتا ده‌وله‌تا تركیێ به‌رپرسه‌كه دن یا پارتیا كاركه‌ران ب ناڤێ زه‌ینه‌ب ئێوه‌ری، د ئۆپه‌راسیۆنه‌كه تایبه‌ت ده ل سلێمانیێ كوشت.
ئاژانسا فه‌رمی یا ده‌وله‌تا تركیێ ئه‌نادۆلویێ ئیرۆ رۆژا چارشه‌می 27/12/2023ێ راگهاند كو د ئۆپه‌راسیۆنه‌كه ئیستخباراتا تركیێ میتێ ده، به‌رپرسا په‌كه‌كێ یا ب ناڤێ زه‌ینه‌ب ئێوه‌ری ب ناڤێ كود ئاریه‌ن ئارێ كو یێك ژ به‌رپرسێن باسكێن ژنان هه‌په‌ژێ یا په‌كه‌كێ یه، ل سلێمانیێ هاتیه كوشتن.
ده‌ستنیشا كر، زه‌ینه‌ب د ئێریشه‌كه‌كێ ده ل هه‌رێما پێنجوینێ یا سلێمانیێ هاتیه ئارمانج كرن.
مه‌دیایا په‌كه‌كێ ئاشكه‌ره كربوو كو زه‌ینه‌ب فه‌رماندارا هێزێن پاراستنا ژنێ هه‌په‌ژێ ل 3 ڤێ مه‌هێ د ئێریشه‌كێ ده هاتبوو كوشتن.
تێ زانین زه‌ینه‌ب ئێوه‌ری دبه به‌رپرسا سێیه‌مین یا په‌كه‌كێ كو د ده‌ما 3 رۆژێن رابووری ده كوشتنا وان ل سینۆرێ سلێمانیێ ژ هێلا ده‌وله‌تا ترك ڤه تێ راگهاندن، ل رۆژێن 25 و 26/12/2023ان میتێ كوشتنا هه‌ر یێك ژ به‌رپرسێن په‌كه‌كێ ئەردنچ بۆلجال و مه‌همه‌ت شه‌فا راگهاندبوو.
