بارۆیا دیاربەکرێ راگھاند، پارێزەرێن وان د دەربارێ نێزیکاھیا کەیفی یا ل دژی نەڤیا شێخ سەعید دە کو ژێ ھاتیە خواستن ھەر رۆژێ د سەر حەسابا خوە یا مەدیایا جڤاکی دە ئالایێ ترکیەیێ پارڤە بکە، گلی کر.
پارێزەرێ مالباتا شێخ سەعید ئەنسار فرات پێشتر راگھاندبوو، نەڤیا شێخ سەعید، نۆشین فرات ل پارێزگەھا ئەرزرۆمێ ژ ئالیێ پۆلیسان ڤە ھاتبوو گرتن و ب مەرجێ کو رۆژانە ل سەر تۆرا جڤاکی یا “X” ئالایێ ترکیەیێ پارڤە بکە، ھات ئازادکرن.
پارێزەرێن بارۆیا دیاربەکرێ دەربارێ نێزیکاھیا دادوەری یا ل دژی نەڤیا شێخ سەعید ھاتیە کرن دە راگھاند، وان ل دژی نێزیکاھیا کەیفی یا دادی کو ل دژی نەڤیا شێخ سەعید ھاتیە کرن، ل لژنەیا دادگەر و دۆزگەران گلی ل دادگەرێ سزازیێ سولحێ یێ ھینیسێ کر.
د داخویانیێ دە سەدەما نێزیکاھیا کەفی یا دادگەرێ ھینیسێ ژی ھات دیارکرن و گۆتنێن دۆزگەری ژی ب ڤی ئاوایی ھاتن پارڤەکرن:
“د پێڤاژۆیا شەرت و مەرجێن کۆنترۆلا دادی دە دڤێت ئەڤ کەسە ھەر رۆژ ل سەر حەسا خوەیا مەدیایا جڤاکی ئالایێ ترکیەیێ پارڤە بکە. ھەگەر پارڤە نەکە، دێ ئەڤە یەک ب واتەیا کو شەرت و مەرجێن کۆنترۆلا دادی بنپێ کریە هێتە حەسباندن و دێ رەوشا گرتنا وێ جارەکا دن د بەر چاڤان رە هێت دەرباسکرن.”
