پارتییا وەلاتپارێزێن کوردستانێ (PWK) ب داخویانیەکێ کۆمکوژییا رۆبۆسکێ ببیری ئانی و تێ دە راگهاند، «ئەم د وێ باوەرێ و هێڤییێ دە نە کو كۆمكوژیا رۆبۆسکێ و قەساس و بەرپرسێن وێ، رۆژەکێ دێ بێنە دادگهـ كرن».
داخویانیا پارتییا وەلاتپارێزێن کوردستانێ وهایه:
مە كۆمكوژییا رۆبۆسکێ ژ بیر نەکریه و ئەمێ ژ بیر نەکن
شەڤا 28/12/2011 ل رۆبۆسکێ 34 کوردێن کو پرانییا وان زارۆک و جوان بوون، ب ئێریشا بالافرێن دەولەتا ترکیێ هاتن قەتل کرن.
12 سال ل سەر كۆمكۆژییا رۆبۆسکێ دەرباس بوون.
ئەڤ كۆمكوژییا کو ژ ئالیێ دەولەتا ترکیێ ڤە هاتییە کرن، هینا ژی وەکە كو تا‌وانبارێ وێ نه‌دیار مایە.
دەولەتا ترکیێ، هەم کریاردارێ ڤێ كۆمكوژیێ یه، هەم هینا ژی قوربانیێن كۆمكوژیێ سووچدار دکە.
ئەم د وێ باوەرێ و هێڤییێ دە نە کو كۆمكوژییا رۆبۆسکێ و قەساس و بەرپرسێن وێ، رۆژەکێ دێ بێنە دادگه‌هـ كرن.
بەلێ، مە كۆمكوژییا رۆبۆسکێ یا کو د شەڤا 28/12/2011ان دە ژ ئالیێ دەولەتا ترکیێ ڤە هاتە ل دار خستن ژ بیر نەکرییە و تو جاری ژ بیر نابە.
ئەم ڤێ كۆمكوژیێ شەرمەزار دکن.
ئەم شەهیدێن رۆبۆسکێ و هەموو شەهیدێن خوە ب گرامی ب بیر تینن، روحێ وان شاد، جهێ وان به‌هه‌شت بە.
