كوشتنا زارۆكێن كوردان د ناڤا په‌كه‌كێ ده پرسه‌كه بێ داوی یه، «جه‌نان» یێك ژ قوربانیێن دنه كو ڤێ پارتیا زارۆككوژ گۆری بۆتێ خوه «زلامێ ئیمرالیێ» كری.
رۆژ ده‌رباس نابه هه‌گه‌ر ته‌وانا كوشتن یان ره‌ڤاندنا زارۆكه‌كی كورد د ناڤا په‌كه‌كێ ده ئیفشا نه‌به، ئه‌ڤ رێخستنا كرێگرتییا ده‌وله‌تێن داگیركه‌ر زارۆكێن كوردان دره‌ڤینه، دخاپینه و به‌رێ وان ژ بۆی «زلامێ میتێ» دده مرنێ.
ئیرۆ رۆژا پێنجشه‌می 28/12/2023ێ مه‌دیایا په‌كه‌كێ، وێنه‌یێن «جه‌نان عه‌بدولعه‌زیز» یا زارۆك پارڤه‌كرن و ل سه‌ر نڤیساندیه: «هه‌ڤرێیا مه یا ئاپۆیی شه‌هید بوو، فه‌دایێ ئاپۆ بوو، ئه‌و ب راستی ژی لاییقی ئاپۆ ده‌ركه‌ت».
«جه‌نان» وه‌كه د وێنه‌یان ده خوه‌یا هێژان د ته‌مه‌نا زارۆكتیێ ده یه، په‌كه‌كێ ئه‌و ژ «ئایدنێ» بر و پشتی مه‌ژیكێ وێ ب ده‌ره‌وێن ژیانا ئازاد، خه‌تا ژنێ و ده‌مۆكراسی و به‌رخوه‌دانێ شووشتی، ئه‌و ل زاپێ ب ده‌ستێ ئارتێشتا ده‌وله‌تا ترك، دا كوشتن.
قه‌ده‌را زارۆكێن كوردان د په‌كه‌كێ ده مرنا ژ بۆی ئاپۆ یه
گه‌لۆ ئه‌م د پرسن قه‌ی نه‌گونه‌هه زارۆكێن وه‌كه جه‌نانێ د به‌رخوه‌دانه‌كه بێ واته و بێ ئه‌نجام ده وه‌رن فه‌دا كرن؟ و رێبه‌رێن په‌كه‌كێ یێن كو مینا داینه‌سۆران لێ هاتی د شكه‌فتێن قه‌ندیلێ و ڤیلایێن خوه یێن ل سلێمانیێ ده رازای بن؟ قه‌ی كیژان رێخستن و پارتیا كوردی ب زارۆكێن ووسا شه‌رێ ده‌وله‌تێن داگیركه‌ر كری یه؟، گه‌لۆ خوینا جه‌نانێ ژ بۆی چ هاته رژاندن؟
ل شوونا كو په‌كه‌كه ژیانێ ژ بۆ زارۆکێن كوردان مسۆگەر بکە، مرنێ پێشکێشی وان دکە، د نه‌رینا په‌كه‌كێ ده زارۆكێن كوردان سۆته‌مه‌نیا شه‌رن، فیشه‌كا ل به‌ر تڤه‌نگێ نه، په‌كه‌كێ یێك قه‌ده‌ر بۆ زارۆكێن كوردان نڤیساندیه ئه‌و ژی مرنا ژ بۆی ئۆجه‌لان.
