ترکیێ کوشتنا بەرپرسێ پەکەکێ یێ قامشلۆیێ ئەشکەرە کر

سازیا ئیستیخباراتا نەتەوی یا ترکیێ “میت”ێ راگهاند یەک ژ بەرپرسێن پەکەکێ یێ ژ قامشلۆیێ د ئۆپەراسیۆنەکا تایبەت دە کوشتیە.

ئاژانسا فه‌رمی یا ده‌وله‌تا تركیێ ئه‌نادۆلویێ ئیرۆ رۆژا پێنجشه‌می 27/12/2023 راگهاند كو د ئۆپه‌راسیۆنه‌كه‌ ئیستخباراتا تركیێ میتێ ده‌، به‌رپرسێ په‌كه‌كێ یێ ب ناڤێ ئەیمەن چۆلی ل قامشلۆیێ د ئۆپەراسیۆنەکە تایبەت دە کوشتیە.

ل گۆر ئاگاھیا کو ئاژانسا ئه‌نادۆلویێ ژ چاڤکانیێن ئەولەھیێ یێن ترکیێ وەرگرتیە، هاتیە تەسبیت کرن ئەیمەن چۆلی ل رۆژئاڤا کوردستانێ یەک ژ بەرپرسێن پایەبلندێن پەکەکێ یە.

هەر وەها تەکەز کر، ئەیمەن ژ شێنیێن عاموودێ یا رۆژئاڤا کوردستانێ یە و پێش نها چالاکیێن ل دژی ھێزێن ئەولەھیێ یێن ل سەر خەتا سینۆر ئۆرگانیزە کرنە، هەر وەها بەشداری پەڤچوونێن ل دژی ھێزێن ئەولەھیا ترکیێ یێن ل سەر رۆژئاڤا کوردستانێ بوویە.