ل باژارێ روحا یێ باکورێ کوردستانێ، ئێرشێن ترکیەیێ یێن ل سەر رۆژئاڤایێ کوردستانێ، ب داخویانیا رۆژنامەڤانی ھاتن شەرمەزارکرن. پشتی چالاکیێ ژی 10 کەس ھاتن بنچاڤکرن.
ل ناڤچەیا سەرێ کانیێ یا روحایێ، دوھی ئەندام و رێڤەبەرێن دەم پارتیێ، ب ئارمانجا شەرمەزارکرنا ئێرشێن ترکیەیێ ل سەر رۆژئاڤایێ کوردستانێ داخویانیا رۆژنامەڤانی دان.
د داخویانیێ دە گۆتن، فرۆکەیێن ترکیەیێ دەڤەرێن سڤیل دکن ئارمانج و د ئێرشان دە زارۆک و ژن و کەسێن سڤیل تێن کوشتن.
پۆلیسێن ترکیێ ب ھنجەتا کو سڤاکاتی ل ھێزێن ئەولەکاریا ترکیێ دکن، رێنەدان کو داخویانی تەمام ببە و ئێرشی چالاکڤانان کرن. د ئەنجامێ دە، 10 کەس ھاتن بنچاڤکرن.
بەری چەند رۆژان ژی، ل دێرسمێ، ئێریشێن ترکیەیێ ل سەر رۆژئاڤایێ کوردستانێ ھاتن شەرمەزارکرن و د ئەنجامێ دەستێوەردانا پۆلیسان دە، 6 ئەندامێن دەم پارتیێ ھاتن بنچاڤکرن.
