سزایێ دادگەھێ یێ پارڤەکرنا ئالایێ ترکیێ کو ژ بۆی نەڤیا شێخ سەعید، نۆشین فرات ھاتبوو دایین، پشتی نەرازیبوونا رایا گشتی یا کورد و نەرازیبوونا سەندیکایا پارێزەرێن دیاربەکرێ ھاتە بەتالکرن.
نۆشین فرات ژ بەر پارڤەکرنێن مەدیا جڤاکی ل ناڤچەیا خنسا ئەرزرۆمێ ھاتبوو گرتن، دادگەھێ ب مەرجێ کۆنترۆلا عەدلی و ھەر رۆژ پارڤەکرنا ئالایێ ترکیێ ل سەر مەدیا جڤاکی ئەو سەربەست بەردابوو.
پشتی پیدانا سزایێ پارڤەکرنا ئالایێ ترکیێ، ب تایبەت ژ ئالیێ رایا گشتی یا کورد ڤە نەرازیبوون و بەرتەکێن زێدە ھاتن نیشاندان و سەندیکایا پارێزەرێن دیاربەکرێ ژی رۆژا 28 کانوونێ گلی ل دادگەرێ دادگەھێ ل دەستەیا بلندا دۆزگەر و دادوەران ڤەکر.
سەندیکایا دیاربەکرێ دوهی 29 کانوونێ راگھاند کو ل سەر نەرازیبوونا وان یا ل سەر وی سزای بۆ نۆشین فراتێ ھاتبوو سەپاندن، بریارا ھەتا 30 رۆژان پارڤەکرنا ئالایێ ترکیێ ل سەر حەسابا مەدیا جڤاکی ھاتیە بەتالکرن.
