ل بدلیسێ هەموو جورێن چالاکیان هاتن قەدەغەکرن

ل پارێزگەھا بدلیسێ هەموو جورێن چالاکیێن وەک خوەپێشاندان، کۆنسەر و مەشان ژ بۆ 3 رۆژان ھاتن قەدەغەکرن.

پارێزگاریا بەدلیسێ داخویانیەک نڤیسکی بەلاڤ کر و راگھاند، ژ دەمژمێر 00:01ێ رۆژا 30 بەرچلەیا 2023 ھەتا دەمژمێر 23:59 رۆژا 1ێ چلەتا 2024، 3 رۆژان خوەپێشاندان، کۆنسەر، شانۆ، مەش، گرەڤ، ڤەدانا کۆن و ستاندان و ھەموو چالاکیێن وھا یێن ل وێ پارێزگەھێ قەدەغەنە و دێ ب دەستوورا پارێزگاری، قایمەقامیەت، یان ژی ئالیێن پێوەندیدارێن پارێزگەھێ بێن سازکرن، نایێن کرن.

ل گۆری بریارێ، ئەگەر سازی یان کەسەک بخوازە چالاکیەکێ ل بەدلیسێ ساز بکە، دڤێت ژ بەری 48 دەمژمێران ئاگاھیێ بدە ئالیێن پێوەندیدار.