چاپەمەنیا ترکیێ راگەهاند، بەرپرسەکی په‌كه‌كێ ب ناڤێ عەبدولموتەلب دۆگروجی ل سینۆرێ سلێمانیێ د ئۆپەراسیۆنەکە سازیا ئیستخباراتا میلی یا ترکیێ (میت)ێ دە هاتیە کوشتن.
ل گۆر ئاژانسا ئانادۆلو یا زمانێ فەرمی یا دەولەتێ، میتێ یەک ژ بەرپرسێن په‌كه‌كێ ب ناڤێ عەبدولموتەلب دۆگروجی یێ کو وەک «جەسور وەدات» تێ ناسکرن د ئۆپەراسیۆنەکی دە كوشتیه و ل گۆر هەمان چاڤکانیێ ئەو بەرپرسێ په‌كه‌كێ ژ بازرگانیا مادەیێن هشبەر بەرپرس بوویە.
ئاژانسا ئانادۆلو ئیدیعا کر کو ئەو بەرپرس ژ کاروبارێ بازرگانیا مادەیێن هشبەر بەرپرس بوویە و ژ بۆ وێ ژی ژ ئالیێ رێخستنا په‌كه‌كێ ڤە تایبەت ژ بۆ وی کاری هاتیە پەیوردار کرن و د ئۆپەراسیۆنەکە میتێ یا ل سینۆرێ سلێمانیێ هاتیە کوشتن.
هات راگەهاندن ئەو بەرپرسێ په‌كه‌كێ بەرێ ل ستەنبۆلێ کارێ بازرگانیا مادەیێن هشبەر کریە و ژ بەر وان تەوانان هاتیە دارزاندن و سالا 2017ێ دە دەرباسی ئراقێ بوویە و ل وێ دەرێ ئەو کارە کریە.
