ل گۆری دانه‌یێن رێخستنا مافێن مرۆڤانا هەنگاوێ، هێزێن ئیرانێ د سالا 2023ێ دا 332 کۆلبەر ل رۆژهلاتێ کوردستانێ گوللـەباران کرنه.
ل گۆری هەمان دانەیان، 41 کەسێن کو راستی ئێرشێ هاتنە جانێ خوە ژ دەست دایە و 291 کەس ژی بریندار بوونە.
ل گۆری هەنگاوێ، ژ سەدی 86ێ کۆلبەران ژ ئالیێ هێزێن سینۆری یێن ئیرانێ ڤە هاتنە گوللـەبارانکرن.
ژ سەدی 26ێ کۆلبەرێن بریندار ژی ژ 18 سالی بچووکترن.
رێخستنا مافێن مرۆڤانا هەنگاوێ د داخویانیا خوە دە گۆت:
«ل گۆری پار، ئێرشێن ل دژی کۆلبەران زێدە بوونە. د ناڤا سالەکێ دا 41 کۆلبەر هاتن کوشتن و 229 کۆلبەر ژی بریندار بوون.
ژ سەدی 86،5ێ کۆلبەران ژ ئالیێ هێزێن چەکداری یێن کۆمارا ئیسلامی یا ئیرانێ ڤە راستی ئێرشێ بوونە و یێن دن ژی د ئەنجاما تەقینا مایینان دا مرن یان بریندار بوون.»
