ئاژانسا ئانادۆلو راگەهاند، بەرپرسەکی په‌كه‌كێ/كه‌جه‌كێ ل هەرێما پێنجوێنێ یا سلێمانیێ د ئۆپەراسیۆنەکا سازیا ئیستخباراتا ترکیێ (میت)ێ دە هاتیە کوشتن.
ئاژانسا ئانادۆلو کو زمانێ فەرمی یێ دەولەتا ترکیێ یە ئیرۆ رۆژا چارشه‌می 3\1\2024ێ راگەهاند، یەک ژ بەرپرسێن په‌كه‌كێ/که‌جه‌کێ یێ ب ناڤێ ئیسلام جەهانفەر کو وەک بەرخوەدان کەلهۆر تێ ناسکرن ل سینۆرێ پێنجوینێ یا سلێمانیێ د ئۆپەراسیۆنەکا میتێ دا هاتیە کوشتن.
ل گۆر هەمان چاڤکانیێ کو نووچە سپارتیە چاڤکانیێن ئەولەهیێ، یەک ژ بەرپرسێن یه‌په‌گێ ل رۆژئاڤایێ کوردستانێ کو خەلکێ رۆژهلاتێ کوردستانێ یێ ب ناڤێ ئیسلام جەهانفەر د ئۆپەراسیۆنەکا كو 200 کیلۆمەتران دوور ل سینۆرێ ترکیێ ل هەرێما پێنجوینێ یا سەر ب سلێمانیێ ڤه هاتیە کوشتن.
مه‌دیایا تركیێ ئه‌شكه‌ره نه‌كر كا ئه‌ڤ ئۆپه‌راسیۆن ل چ ده‌مه‌كێ پێكهاتیه، لێبه‌لێ مه‌دیایا په‌كه‌كێ ل 6 كانوونا سالا رابووری 2023ان گۆتبوو كو ئیسلام جه‌هانفه‌ر ل پێنجویێ هاتیه كوشتن.
ئاژانسا ئانادۆلو راگەهاند، ئیسلام جەهانفەر (بەرخوەدان کەلهۆر) دەمەکی ل رۆژئاڤایێ کوردستانێ بەرپرس بوویە و هەروه‌ها بەرپرسیارتیا چارەسەر کرنا بریندارێن ئەندامێن رێخستنێ گرتیە سەر خوە و ل هەرێما کوردستانێ و رۆژئاڤایێ کوردستانێ ئەرکێن رێخستنێ وەرگرتنە.
