ده‌وله‌تا ترك ئیرۆ كوشتنا كادرۆیه‌كی دن یێ په‌كه‌كێ ل پێنجوینا سلێمانیێ راگهاند كو ب سادق شێخ ئه‌حمه‌د تێ ناس كرن، مه‌دیایا په‌كه‌كێ ژی گۆتبوو كو شێخ ئه‌حمه‌د ل 24 كانوونا سالا رابووری ل گه‌ل به‌رپرسه‌كه رێخستنێ یا ئاست بلند هاتبوو كوشتن.
ئاژانسا ئه‌نادۆلو كو زمانێ فه‌رمی یێ ده‌وله‌تا تركه، راگهاند كو د ئۆپه‌راسیۆنه‌كه میتێ یا یه‌ك ده‌ربی ده، چه‌كدار و كادرۆیێ په‌كه‌كێ سادق شێخ ئه‌حمه‌د ب ناڤێ كۆد ئێریش به‌رخوه‌دان ل سینۆرێ پێنجوینێ یا سلێمانیێ هاتیه كوشتن.
ئاژانسا ئه‌نادۆلویێ ئیرۆ رۆژا پێنجشه‌می 4\1\2024ێ كوشتنا سادق شێخ ئه‌حمه‌د رگهاند و گۆت وی ب به‌رپرسێن ئاست بلند یێن په‌كه‌كێ حه‌ركه‌ت دكر، مه‌دیایا په‌كه‌كێ ژی راگهاندبوو كو سادق شێخ ئه‌حمه‌د ل 24 كانوونا 2023ێ ل پێنجوینێ ل گه‌ل فه‌رماندارا یه‌په‌ژێ یا ب ناڤێ ئاریه‌ن ئارێ هاتبوو كوشتن.
ژ ده‌ستپێكا كانوونا سالا رابووری ڤه، نێزی 10 فه‌رماندار، كادرۆ و به‌رپرسێن په‌كه‌كێ یێن ئاست بلند ل سینۆرێ سلێمانیێ و هه‌ر وها رۆژئاڤا كوردستانێ د ئێریشێن میتێ ده هاتنه كوشتن.
