بالافرێن شەر یێن ترکیێ ل سینۆرێ ناڤچەیێن پشدەر و ماوه‌تێ چەند ناڤچە بۆمبەباران کرن.
ئیرۆ رۆژا شه‌می 6/1/2024ێ بالافرێن شه‌ر یێن تركیێ بۆمبه‌بارانا لۆتكه‌یا جاسوسان ل زنجیره‌یا چیایێ قه‌ندیلێ ل سینۆرێ باژارۆكێ ژاراوه یێ قه‌زایا پشده‌رێ كر.
د ڤێ ناڤبەرێ دە، گوندێ گه‌لاله ل ناڤچەیا ماوه‌تێ هاتە بۆمبەبارانکرن و نشتەجیهێن گوند دگۆتن کو خانیێن گوندیان زرار دیتن.
کامران حه‌سه‌ن، قائیمقامێ ناڤچەیا ماوه‌ت گۆت كو ل ساعه‌ت 5:30 دانێ ئێڤارێ بالافرێن شەر گوندێ زیۆنۆیێ بۆمبەباران کرن و ب وێ سه‌ده‌مێ زرار ب به‌شه‌كی گوند و زه‌ڤیێن چاندنیێ كه‌تیه، لێبه‌لێ زرارێن جانی نه‌بوون.
