د سالا رابووری ده ب سه‌دان ته‌وان ل ناڤچه‌یێن ژێر ده‌ستهلاتا رێڤه‌به‌رییا خوه‌سه‌ر ل رۆژئاڤا كوردستانێ پێكهاتنه، 50 ژێ ل سه‌ر ده‌ستێ هه‌سه‌دێ و ئارتێشا ده‌وله‌تا ترك هاتنه ئه‌نجام دایین.
روانگه‌ها سووری یا مافێن مرۆڤان بیلانچۆیا سالا 2023ان یا شه‌ر و په‌ڤچوون و ته‌وانێن كو ل ناڤچه‌یێن ژێر ده‌ستهلاتا رێڤه‌به‌رییا خوه‌سه‌ر چێبوونه پارڤه‌كر ل گۆری وێ 50 سڤیل، 10 ژێ زارۆ و 9 ژن ل سه‌ر ده‌ستێ هێزێن سووریه‌یا ده‌مۆكراتیك و ئارتێشا تركیێ هاتنه قه‌تل كرن.
ل گۆری روانگه‌هێ د سالا 2023ان ده، 23 سڤیل، 8 ژێ زارۆ و 4 ژن ب گوللـه‌یێن راسته راست یێن چه‌كدارێن هه‌سه‌دێ هاتنه كوشتن.
ل همبه‌ری ڤێ هه‌ژمارێ، 27 سڤیل، دو ژێ زارۆ و 5 ژن ب ئێریشێن بالافرێن كه‌شفێ یێن ده‌وله‌تا ترك هاتنه كوشتن.
ب ته‌ڤاهی د سالا 2023ان ده 67 زارۆك، 37 ژن و 230 زلام و جوان ل ناڤچه‌یێن رێڤه‌به‌رییا خوه‌سه‌ر هاتنه كوشتن.
