د ئێریشێن ده‌وله‌تا تركیێ یێن كو د 24 ده‌مژمێرێن رابووری ده ل رۆژئاڤا كوردستانێ هاتنه ئه‌نجام دایین، 6 چه‌كدارێن یه‌په‌گێ هاتنه كوشتن.
وه‌زاره‌تا پاراستنێ یا تركیێ ئیدیعا كر كو دوهـ رۆژا یه‌كشه‌می 7\1\2024ێ ل هه‌رێمێن ئۆپه‌راسیۆنێن مه‌رتالا فه‌راتێ و چقلێ زه‌یتوونێ د ئێریشێن وان ده، 6 چه‌كدارێن یه‌په‌گێ باسكێ په‌كه‌كێ یێ ل رۆژئاڤا كوردستانێ هاتنه كوشتن.
وه‌زاره‌تا پاراستنێ یا تركیێ ده‌ستنیشان نه‌كر كانێ ئه‌ڤ ئۆپه‌راسیۆن ل چ هه‌رێمه‌كێ هاتنه ئه‌نجام دایین، و ته‌نێ گۆت كو ئه‌وێ ئێریشێن خوه به‌رده‌وام بكن.
دوهـ رۆژا یه‌كشه‌می بالافرێن كه‌شفێ یێن تركیێ د یه‌كه‌م ئێریشا خوه یا ل رۆژئاڤا ده بۆمبه ل فه‌وجه‌كا هه‌سه‌دێ ل گوندێ گرسۆرێ یێ ل سینۆرێ قامشلۆیێ باراندن و ت زرارێن جانی ژ وێ ئێریشێ ده‌رنه‌كه‌تن.
