ل گوندێ مەمالایێ یا ناحیەیا راجۆیێ یا عه‌فرینێ، ئەندامێن گرووپێن چەکدار ب سەر مالەکێ دە گرت و ئه‌شکەنجەیێن گران ل 3 وەلاتیان کرن و تشتێن ناڤ مالێ دزین.
چالاکڤانێ عه‌فرینی مستەفا شێخۆ ژ تۆرا مەدیایی یا رووداوێ رە راگهاند کو شەڤا ئینێ چەکداران ب سەر مالا وەلاتیێ کورد حەمید یووسفێ ل گوندێ مەمالایێ دە گرتیە.
چەکداران حەمید یووسفێ 75 سالی، هەڤژینا وی یا 65 سالی و کەچا وی یا 35 سالی گرێ دایە و ب توندی ئه‌شکەنجە ل وان کریە.
چەکداران هەروها 900 دۆلار، بازنەکی زێر، تەلەفۆنەکە مالباتێ ژی دزینە و رەڤیانە.
تەڤی کو حەمید یووسف گلی ل ناڤەندا پۆلیسێن راجۆیێ تۆمار کریە ژی هەتا نها ت کەس نەهاتیە گرتن.
شێخۆ دا زانین پشتی کو گرووپا چەکدار مال تالان کریە، دەمژمێر 03:00یان د رێبەندا گرووپێن چەکدارا ل گوندێ مەمالایێ رە دەرباس بوونە لێ نەهاتنە گرتن.
