پشتی داخویانیێن دەولەت باخچەلی یێن دەربارێ شێخ سەعید دە 3 ئەندامێن مەھەپەێ یێن د مەجلیسا شارەداریا چەولکێ دە دەس ژ کار کێشان.
گۆتوبێژێن د دەربارێ شێخ سەعید دە، پشتی شارەداریا باژارێ مەزنا دیاربەکرێ ناڤێ شێخ سەعید ل رێیەکا سەرەکی کری دەستپێکرن.
سەرۆکێ مەھەپێ باخچەلی ژی د دەربارێ شێخ سەعید دە گەلەک گۆتنێن نژادپەرەستی، گۆتنێن وەکە:
“وەسفکرن و بلێڤکرنا سەرۆکەکی سەرھلدانێ وەک قەهرەمان سەبرا مە قوت کر”، کرن. ئەڤ گۆتنێن باخچەلی د ناڤ ھندەک کوردێن د ناڤا مەھەپێ دە بوونە سەدەما بەرتەکان و وان ژی ل دژێ مەھەپێ ھەلوەستا خوە نیشان دان. ئەندامێن مەجلیسا مەھەپێ یا شارەداریا چەولکێ ئەحمەد بوکان، رەمەزان سوسادی و محەمەد سەعید گونەرگۆک گۆتنێن باخچەلی رەد کرن و ژ ئەندامەتیا مەجلیسێ و ژ مەھەپێ ئیستفا کرن. و گۆتن: “شێخ سەعید نرخێ مەیە”.
ئەندامێ مەجلیسا مەھەپێ رەمەزان سووسادی یێ دەست ژ کارێ خوە کێشای، د داخویانیا خوە دە دبێژە کو، شێخ سەعید رێبەرەکی ئۆلییە و ئەو وی وەکی نرخەکی قەبوول دکن و دیار کر کو پشتی ڤان گۆتنێن باخچەلی چ واتەیا مایینا وی د ناڤا پارتیێ دە نینە و ئەو دێ وەکە ئەندامەکی مەجلیسێ ب ئاوایەکی سەربخوە ئەرکا خوە بدۆمینن.
ئەندامێ مەھەپێ یێ دن ئەحمەد بوکان ژی ئانی زمان کو شێخ سەعید نرخەکە و دەستنیشان کر کو گۆتنێن باخچەلی نایێن قەبوولکرن.
مەھەپێ کو د مەجلیسا شارەداریا چەولکێ دە 6 ئەندامێن وێ ھەبوون، پشتی دەست ژ کار بەردانا 3 ئەندامان کۆما خوە وندا کر.
