ئیرۆ شاندەکا یەنەکێ ل کەرکووکێ سەردانا لقا سێیێ یا پەدەکێ کر و دانووستاندن ل سەر پۆستێن جڤاتا پارێزگەھا کەرکووکێ کرن.
ل گۆر ئاگاهیان، شاندەکا یەنەکێ ب سەرۆکاتیا بەرپرسێ مەلبەندا یەنەکێ یا کەرکووکێ رەوەند مەلا مەحموود سەردانا لقا سێیێ کر، شاندا پەدەکێ ژی ب سەرۆکاتیا بەرپرسێ لقا سێ محەمەد کەمال پێشوازیا وێ شاندێ کر.
پشتی ھلبژارتنێن جڤاتێن پارێزگەھان، ئەڤ ھەڤدیتن و جڤینا یەکێ یا پەدەکێ و یەنەکێ یە. ل گۆر زانیاریان، یەنەکە دخوازە ب ئالیان رە دەست ب دانووستاندنان بکە. ب مەرەما وەرگرتنا پۆستێ پارێزگەرێ کەرکووکێ، یەنەکێ داخواز ژ پەدەکێ کریە کو پشتەڤانیا وێ بکە، لێ ھەتا نھا چ لھەڤکرن ژ بۆ یەکالیکرنا پۆستێن پارێزگەھا کەرکووکێ و ب تایبەت پۆستێ پارێزگەری د ناڤبەرا پەدەکێ و یەنەکێ دە نینن.
یەنەکێ د ھلبژارتنێن جڤاتا پارێزگەھا کەرکووکێ دە پێنج کورسی ب دەست خستنە، کورسیێن کرستیانان ژی یێن خوە دبینە لێ پێدڤی ب سێ کورسیێن دن ژی ھەیە.
یەنەکێ پێشتر سەردانا پارتیا کومۆنیستا کوردستانێ کریە و بریارە سەردانا ئالیێن کوردستانی یێن دن ژی بکە، دخوازە ژ بۆ وەرگرتنا پۆستێ پارێزگەری یەکدەنگیەک ھەبە، لێ ھەتا نھا چ لھەڤکرن و هەڤتێگەهشتن چێ نەبوونە.
