ل چەند هەرێمێن جودا یێن عه‌فرینا رۆژئاڤایێ کوردستانێ، چەکدارێن سەر ب ترکیێ ڤە دەست دانین 4 مال و دکانێن وەلاتیێن کورد و ئەو فرۆتن.
ل گۆری روانگه‌ها مافێن مرۆڤان یا سووریێ، چەکدارەکی گرووپا جەبهەیا شامیە ل گوندێ بادنلیێ یێ ناڤچەیا راجۆیێ یا عه‌فرینێ دەست دانی سەر دکانەکە وەلاتیەکی کورد و 2 هەزار و 500 دۆلاری فرۆت چەکدارەکی دن.
هەروها چەکدارەکی دن یێ جەبهەیا شامیە ل تاخا ئەشرەفیەیێ یا عه‌فرینێ دەست دانی سەر دو خانیێن کوردەکی ژ گوندێ باسۆفانێ یێ ناڤچایە شێرەوەیێ و هەر خانیەک ب 700 دۆلاری فرۆت چەکدارەکی دن.
ل ئالیێ دن، ل گوندێن دێر سۆرانێ، کەفر دلی، مراتا، ئاشکان، کەفر رۆم، کەفر سەفرە و کۆرکانێ یێن گوندەوارێ عه‌فرینێ ژی چەکدارێن گرووپێن ئەحرار ئەل-شەرقیە، سولتان موراد و سەمەرقەندێ یێن سەر ب ترکیێ ڤە 354 دارزەیتوون برین.
