ب بەهانەیا وێ یەکێ کو د ناڤ خانیێن حکوومی دا نە، پۆلیسێن پردێ پێنج وەلاتیێن کورد و وەلاتیەکێ ترکمەن ل تاخا ئیسلاحیێ یا باژارکێ پردێ گرتن.
یەک ژ وان وەلاتیێن هاتنە گرتن، کو نەخواست ناڤێ وی بێ ئەشکەرەکرن، ژ ناڤ زیندانێ ب رێیا تلەفۆنێ ژ ک24ێ رە راگەهاند، «پشتی بانگکرنا مە ژ ئالیێ پۆلیسێن پردێ ڤە و پاشی شاندنا رووپەلێن مە ژ بۆ دادوەرێ لێکۆلینان، بریارا گرتنێ ژ بۆ مە دەرکەفت».
وی وەلاتیێ کورد هەروەسا گۆت، «ئەم شەش کەسن، پێنج کورد و ترکمەنەک. بەهانەیا وان ژی ئەوە کو ئەو خانیێن ئەم تێ دا ئاکنجینە سەر ب وەزارەتا دارایی یا حکوومەتا ئیراقێ ڤەنە و مە قانون بنپێ کریە، لێ مە ئەو خانی کرینە».
ل دوو گۆتنێن وی وەلاتی، ئەو ژ نشکێ ڤە هاتنە گرتن و چ هایداریەکا پێشدەم ژ وان رە نەهاتیە.
داخواز ژی کر، بەرپرسێن کورد د هاوارا وان بچن و ئارێشەیا وان چارە بکن ژ بەر کو غه‌در ل وان بوویە.
