جوانەکی کورد ژ بەر ئێشکەنجەیا ھێزێن رەژیما ئیرانێ جانێ خوە ژ دەست دا

جوانەکێ کورد پەیمان عەبدی، کو ژ ئالیێ سازیێن ئەولەھیێ ڤە ل کرماشانێ ھاتبوو گرتن، ژ بەر ئێشکەنجەیێن ھێزێن رەژیما ئیرانێ جانێ خوە ژ دەست دا.

ھات راگھاندن کو ھێزێن رەژیما ئیرانێ گەف ل مالباتا پەیمان عەبدی خوارنە دا کو ڤێ یەکێ ئەشکەرە نەکن و مرنا وی وەک مرنەک خوەزایی بدن ناساندن.

ل گۆر ئاگاھیا سازیا مافێ مرۆڤان یا ھەنگاوێ، رۆژا سێشەمێ 9 چلەیا 2024، پەیمان عەبدی یێ 35 سالی و بابێ دو زارۆکان، کو ھەفتەیەک بەری نھا ژ ئالیێ ھێزێن ئیستیخباراتێ ڤە ل کرماشانێ ھاتبوو گرتن و د بن ئێشکەنجەیێ دە کەتبوو کۆمایێ، د نەخوەشخانەیا ئەرتێشێ دە جانێ خوە ژ دەست دایە.