شێخ ئه‌حمه‌دێ بارزانی، زانا، زاهێد و نیشتمانپەروەرێ مەزن یێ کورد برایێ رێبەرێ نەمر یێ گەلێ کورد مەلە مستەفا بارزانی، بەریا 55 سالان د رۆژا 11ێ چلەیا 1969ان ل نەخوەشخانەیا ئیبن سینا یا ل بەغدایێ ژبەر نەخوەشیێ وەفات کر.
شێخ ئه‌حمه‌د بارزانی پشتی شەهید کرنا برایێ وی یێ مەزن ب دەستێ ئۆسمانیان د سالا 1914ان دە، ئۆرگانیزاتۆریا کار و خەبات و تێکۆشینا بارزانی دخە سەر ملێ خوە.
شێخ ئه‌حمه‌د بارزانی کو ڤێ دەمێ تەمەنا وی تەنێ 18 سال بوویە خەبات پێشدە بریە، د سالا 1919ان دە پشته‌ڤانیا شۆرەشا شێخ مەحموود حەفید کریە و نامەیەک ژی بۆ شێخ و سەرۆک عەشیرێن دەڤەرا بەهدینانێ شاندیە و تێدە داخواز ژ وان کریە هەڤکاری و پشته‌ڤانیا شێخ مەحموودێ حەفید بکن.
سەردەما پێشەنگاتی کرنا شێخ ئه‌حمه‌دێ بارزانی کو، ب «خوەدان» ژی تێ ناسین سەردەمەکە گەش و ب دەستکەفتە د ناڤا دیرۆکا تەڤگەرا ئازادیخواز یا گەلێ کوردستانێ دە.
