ئاژانسا ئانادۆلو یا ترکیێ راگەھاند، سازیا ئیستخباراتا میلی یا ترکیێ (میت)ێ ئەندامێ پەکەکێ/کەجەکێ یێ ئەندام و شەرڤان تەڤلی رێخستنێ دکرن ب ناڤێ فایق ئایدن یێ کو وەک رێناس راپەرین تێ ناسکرن د ئۆپەراسیۆنەکە 160 کیلۆمەتری دوور ل سینۆرێ ترکیێ ژ کار خستیە.
ل گۆر چاڤکانیێن ئەولەھیێ ژ ئاژانسا ئانادۆلو رە راگەھاندنە، فایق ئایدن ل ئەوروپایێ کاروبارێن رێخستنێ برێڤە دبر و پشتی دەرباسی باشوورێ کوردستانێ ل ھەرێما سلێمانیێ ژ بۆ بەشداریا ل رێخستنێ بکە زەخت و فشار ل خەلکێ ھەرێمێ کریە و ژ بەر د ناڤ رێخستنێ دە ژی خوەدی رۆلەکی گرنگ بوویە ھاتیە ئارمانج کرن و بریارا ئۆپەراسیۆنێ ژ بۆ وی ھاتیە دایین.
ھات راگەھاندن فایق ئایدن کو وەک رێناس راپەرین تێ ناس کرن د ئۆپەراسیۆنەکا تایبەت دە ژیانا خوە ژ دەست دایە.
ل گۆر ھەمان چاڤکانیێ فایق ئایدن ل ئەوروپایێ خەباتێن جوانان و خەباتێن جڤاکی دە جیھ گرتیە، ب ناڤێ پەکەکێ/کەجەکێ ل ئەوروپایێ ژ بۆ ئەندامان بەشداری رێخستنێ بکە خەبات مەشاندیە.
پشتی ب سالان ل ئەوروپایێ خەباتێن رێخستنێ برێڤەبرن سالا 2015 دەرباسی باشوورێ کوردستانێ بوویە و د ناڤ خەباتێن چەکداری دە جیھ گرتیە.
دەربارێ جیھێ ئۆپەراسیۆنێ و چاوا پێکھاتنا ئۆپەراسیۆنێ دە ھوورگلی نەھاتنە ئاشکەرا کرن.
بەری نھا پەکەکێ راگەھاندبوو کو 10 ئادارا سالا 2023 فایق ئایدن کو وەک رێناس راپەرین تێ ناسکرن د ئێریشەکە ترکیێ یا ل ھەرێمێن پاراستنا مەدیا دە جانێ خوە ژ دەست دایە.
