ل ترکیێ و باکورێ کوردستانێ 34 پارتیێن سیاسی دێ بەشداری ھلبژارتنێن ھەرێمی یێن کو د 31 ئادارێ دە تێ لدارخستن ببن. پارتیا ماف و ئازادیان (ھاک-پار) کو مافێ وێ یێ بەشداربوونا ھلبژارتنان ھەیە، بانگ ل پارتیێن کوردستانی دکە کو د بن سیوانا ھاک پارێ دە بکەڤن ھلبژارتنێ.
شاندا کو ژ سەرۆکێ گشتی یێ ھاک-پارعێ دوزگوون کاپلان، ئالیکارێ سەرۆکێ گشتی محەمەد شیرین تمور، محەمەد شاھ ئەرەن، ئەندامێ مەجلیسا پارتیێ بەھجەت تەکتەکین و سەرۆکێ ھاک-پارێ یێ ئامەدێ ڤاسیف قەھرەمان پێک ھاتی ل گەل سەرۆکێ پارتیا دەمۆکراتا کورد (کەدەپە) رەشید ئاکنج و سەرۆکێ تەڤگەرا ئازادی مەتین پیرانی جڤینەک ل دارخستن.
جڤین د 13 چلەیا 2024 دە ل ئۆفیسا پەدەکێ یا ئامەدێ پێک ھات.
نوونەرێن ھاک-پار، کەدەپێ و تەڤگەرا ئازادی دیار کرن کو ئەو دێ ژ بۆ ھلبژارتنێن ھەرێمی یێن د 31 ئادارا 2024 دە بێن لدارخستن دە ھەڤکاریێ بکن، گەشەدانێن داوین یێن سیاسی نرخاندن و ل سەر ستراتەژیا ھلبژارتنێ یا کو ل باژارێن ب گرانی کورد لێ دژین و بریارداریا ھلبژارتنێ نرخاندن کرن.
نوونەرێن ھاک-پار، کەدەپێ و تەڤگەرا ئازادی دیار کرن کو ئەو خەباتێن خوەیێن ژ بۆ بەرفرەھکرنا هەڤپەیمانیا وەلاتپارێزیا کوردا کو ئاڤا کرنە بەردەوام دکن، جارەکە دن گەل مەحکوومی پارتیێن ل دژێ کوردان ناکن، ئەو دێ گەلێ کورد بێپار نەھێلن. ئەو دێ ب کاندیدێن وەلاتپارێزێن کو دکارن ب ئارامی دەنگێ خوە بدن وان، ل قادان بن.
ئالیکارێ سەرۆکێ گشتی یێ ھاک-پارێ موستەفا ئایتاش ژی گۆت، “ئەم چوون سەردانا ھەموو پارتیێن سیاسی. و مە ژ وان رە گۆت کو ئەڤ مافێ (تەڤلیبوونا ھلبژارتنان) نە تەنێ یێ مەیە، مافێ ھەموو کوردانە ژی. وەرن ئەم د ڤێ ھلبژارتنێ دە دەستێ خوە بدن ھەڤ. مە گۆت ئەم ب ھەڤ رە خەباتێن خوەیێن ھلبژارتنێ بمەشینن. “ھەتا نھا تەڤگەرا ئازادی و پەدەکێ ب ئەرێنی بەرسڤ دانە بانگا مە کوردان.
