سازییا ئیستخباراتا نەتەوەیی یا ترکیێ (میت) ئەشکەرە کر، وان یەک ژ ئەندامێن ئیستیخباراتا پەکەکێ یێ ب ناڤێ حەسەن سەبوریێ کو ناسناڤێ وی “رێدوور باز”ە ل باژارێ سلێمانیێ کوشتیە.
ئاژانسا فەرمی یا دەولەتا ترکیێ ئانادۆلویێ راگهاند، میتێ “رێدوور باز” کو ھاتیە تەسبیتکرن ل دژی ترکیەیێ ئیستخباراتێ بەرھەڤ دکە، خەباتێن کەشف و چاڤدێریێ ب رێ ڤە دبە ل سلێمانیێ کوشتیە.
ل گۆر ئاگاھیێن ئاژانسا ئانادۆلویێ ژ چاڤکانیێن ئەولەھیێ وەرگرتین، سەبووری پار ژ ئیرانێ تەڤلی رەفێن پەکەکێ بوویە و ژ بۆ کو ژ رێخستنێ را خەباتێن کۆمکرنا ئیستخباراتێ، کەشف و چاڤدێریێ بکە پەروەردە دیتیە.
هەر وەها هات ئەشکەرە کرن کو سەبووری ل باژارێ سلێمانیێ مژوولی کار و خەباتێن گرێدایی پەکەکێ بوویە، و هەر ل سلێمانیێ میتێ ب ئۆپەراسیۆنەکە تایبەت ئەو کوشتیە.
