دو گرتیێن کورد ل رۆژھلاتێ کوردستانێ ب تۆمەتا پەیوەندیا وان ب مادەیێن ھشبەر ڤە ھەیە ھاتن دارڤە کرن.
ئیرۆ 14/12/2024 سزایی دارڤەکرنێ یێ 2 گرتیێن کورد یێن ب ناڤێن ھادی نەزەری و عەلی میری یێ خەلکێ ھەرسینا سەر ب پارێزگەھا کرماشانا رۆژھلاتێ کوردستانێ ھات جێبەجیکرن، کو بەرێ ب تۆمەتا پەیوەندیا وان ب مادەیێن ھشبەر ڤە ھەیە سزایێ دارڤەکرنێ ژ بۆی وان ھاتبوو دایین و ل گرتیگەھا قزلحیسارا باژارێ کەرەج یێ ئیرانێ سزایێ وان ھات جێبەجێکرن.
رێخستنا مافێ مرۆڤان یا ھەنگاو راگەھاند، ئەو دو گرتیە دو سال بەری نھا ل باژارێ کەرەج ژ ئالیێ ھێزێن ئەولەھیا ئیرانێ ڤە ھاتن گرتن و ژ ئالیێ دادگەھا شۆرەشێ یا وی باژاری ڤە د دۆسیایەکی ھەڤبەش دە ب تۆمەتا پەیوەندیا وان ب مادەیێن ھشبەر ڤە ھەیە، سزایێ دارڤە کرنێ ژ بۆی وان ھاتە دایین.
ھەتا نھا نووچەیا دارڤەکرنا وان ھەردو گرتیێن کورد د چاپەمەنیا نێزیکی سازیا داد یا ئیرانێ دە نەھاتیە بەلاڤ کرن.
