رێخستنا په‌كه‌كێ ناسنامه‌یا فه‌رمانداره‌كی خوه ئاشكه‌ره كر كو 4 سالان به‌رێ ل باشوورێ كوردستانێ هاتیه كوشتن و ژ نوو ڤه مرنا وی ئیلان كر.
هه‌په‌گێ باسكێ چەکداری یێ په‌كه‌كێ ناسنامەیا فەرماندارەکی خوە یێ جانێ خوە ژ دەست دایە ب ناڤێ یه‌حیا دۆمان و كودناڤێ سه‌بری باگۆك ئاشكه‌ره كر كو ل كانوونا پاشین یا سالا 2020ێ ل باشوورێ كوردستانێ كه‌تیه به‌ر ئێریشێن ده‌وله‌تا ترك و هاتیه كوشتن.
په‌كه‌كێ مرنا یه‌حیا دۆمان 4 سالان ڤه‌شارت و ژ نوو ڤه ئیرۆ هاتیه مرنا وی ئیلان كریه.
ل گۆری هه‌په‌گێ یه‌حیا دۆمان سالا 1993ان تەڤلی په‌كه‌كێ بوویە و سالا 1994ان ژی ل شاما پایتەختا سووریێ ل با عه‌بدوللا ئۆجالان مایە.
د ناڤبەرا سالێن 1994-2000ی دە ل هەرێمێن کەربۆران، باگۆک و گابارێ یێن مێردینێ چالاكی كرنه.
د ناڤبەرا سالێن 2000-2011ێ دە ل قەندیل و زاپێ مایە و ئەندامێ «هێزێن تایبەت» یێن په‌كه‌كێ بوویە.
د ناڤبەرا سالێن 2011-2017ان دە “فەرماندارێ هەرێما باگۆکێ” بوویە.
ئاژانسا فەرمی یا ترکیەیێ 25ێ سباتا 2020ان راگهاندبوو کو یه‌حیا دومانێ ب ناسناڤێ “سەبری تۆری” ل شنگالێ د ئێرشەکە میت و ئارتێشا ترکیەیێ دە جانێ خوە ژ دەست دایە.
د نووچەیێ دە هاتبوو دیارکرن کو دومان بەرپرسێ په‌كه‌كێ یێ مەخموور- کەرکووکێ یە.
