ترکیێ کوشتنا بەرپرسەکا پایە بلند یا پەکەکێ ل مەتینایێ ئەشکەرە کر

سازییا ئیستخباراتا نەتەوەیی یا ترکیێ (میتێ) ل چیایێ مەتینا یەک ژ بەرپرسیارێن پایە بلند یێن پەکەکێ یا ب ناڤێ هۆلیا مەرجان کوشت.

ئاژانسا فەرمی یا دەولەتا ترکیێ ئانادۆلویێ ب پشتبەست ب ئاگاهیێن ژ چاڤکانیێن ئەولەھیێ یێن ترکیێ وەرگرتی ئەشکەرە کر، میتێ ل دژی کەسا کو هاتیە تەسپیتکرن ل ترکیێ و هەرێما کوردستانێ بەشداری گەلەک چالاکیێن دژی ھێزێن ئەولەھیا ترکیێ بوویە ئۆپەراسیۆنەک ل دار خست.

هەر وەها ئەشکەرە کر، ئەڤ ئۆپەراسیۆن ب ھەڤکاریا میتێ و ئارتێشا ترکیەیێ ل هەرێما مەتینایێ ھاتیە لدارخستن و د ئۆپەراسیۆنێ دا ھولیا مەرجەن یا ب کۆد ناڤێ “پەیمان باگۆک” کو یەک ژ بەرسپرسیارێن پەکەکێ یە ھات کوشتن.

ئەڤ نووچەیا مەدیایا ترکیێ د دەمەکی دە یە کو پێش نها پەکەکێ د چاپەمنیا خوە دە ئەشکەرە کربوو کو هولیا مەرجان د 12 مژدارا 2019ان دە ژ ئالیێ دەولەتا ترکیێ ڤە هاتیە کوشتن.

ھات دیارکرن هۆلیا مەرجان 32 سالیە و د ناڤا کادرۆیێن چیا یێن پەکەکێ دە جھ دگرە.