ژ ئەنجاما ئێریشێن ئارتێشا ترکیەیێ یێن ل سەر بنەسازیێن رۆژئاڤایێ کوردستانێ، ئەلەکتریکا نێزی 700 باژارۆک و گوندان قوت بوویە.
ئارتێشا ترکیەیێ د ڤان دو رۆژێن داویێ دە ئێریشێن توند و دژوار ل سەر ھەرێمێن رۆژئاڤایێ کوردستانێ پێک ئانین، رەوانگەھا سووری یا مافێن مرۆڤان ژی بەلاڤ کر، د ڤان ئێریشان دە وێستگەھێن ئەلەکتریکێ، گاز، ئاڤ و سازیێن گشتی، دبستان و مالێن سڤیلان ھاتن ئارمانجکرن، کو ئەڤ ژی دکەڤن چارچۆڤەیا “تاوانێن شەر.”
رەوانگەھ دبێژە: “ڤان تاوانان باندۆرێن کارەساتبار ل سەر دەڤەرێن کۆبانێ، حەسەکێ و گوندەوارێن وێ و گوندەوارێن رەقایێ کریە.”
دیار کر ژی: “د ئەنجاما وێرانکرنا بنەسازیێ ژ ئالیێ ھێزێن ئاسمانی یێن ترکیەیێ ڤە، ئەلەکتریک و ئاڤ ل سەر نێزیکی 700 گوند و باژارۆکێن کۆبانی، عەین عیسا و حەسەکێ قوت بوویە.”
ئەڤ یەک د دەمەکێ دەیە، ئارتێشا ترکیەیێ و چەکدارێن سەر ب وێ ڤە ئیرۆ ب چەکێن گران ھەژمارەک ژ گوندێن ناحیا زرگانێ تۆپباران کرن.
