6 گرتیێن کورد یێن ژ کرماشانا رۆژهلاتێ کوردستانێ ل گرتیگەها کەرەجێ هاتن بدارڤەکرن.
ل گۆری داخویانیا رێخستنا مافێن مرۆڤان هەنگاوێ، ئەحمەد لەتیفی، ئەکبەر هورەمتاش، ئەمیر حوسەین مەلەکی، عەلی ئەکبەر مورادیان، هادی نەزەری و عەلی میری یێن کو ب تۆهمەتا «بازرگانیا مادەیێن هشبەر» ل گرتیگەها کەرەجێ گرتی بوون، هاتن بدارڤەکرن.
جوانێن کو ل ناڤچەیێن هەرسین و سەهنەیێ یێن کرماشانێ هاتبوون گرتن، دادگەها شۆرەشێ یا کەرەجێ جەزایێ بدارڤەکرنێ دابوو وان.
ئیرانێ سالا 2023یان 823 گرتی یێن کو 151 ژ وان کورد بوون ب دار ڤە کرن.
ل ئیرانێ ژ 1ێ کانوونا پاشینا 2024ان هەتا نها هەژمارا کەسێن کو هاتنە بدارڤەکرن 19ە.
ل گۆری راپۆرا رێخستنا عەفوویێ یا ناڤنەتەوەیی، پشتی چینێ وەلاتێ کو هەری زێدە مرۆڤان ئیدام دکە ئیرانە.
