وەزیرێ پاراستنا نەتەوەیی یێ تركیێ راگهاند، ب ئۆپەراسیۆنێن ئاسمانی د سێ رۆژێن رابووری ده 78 هەدەفێن کو ژ شکەفت، ستارگەهـ، تەسیسێن نەفتێ پێک تێن، هاتن ژ ناڤ برن، 77 چه‌كدارێن په‌كه‌كێ هاتن كوشتن.
وەزیرێ پاراستنا نەتەوەیی یێ تركیێ یاشار گولەر ئیرۆ رۆژا دوشه‌می 15/1/2024ێ سه‌رۆكتییا جڤینه‌كا ئه‌وله‌هیێ یا پایه‌بلند كر و گۆت كو پشتی كوشتنا 9 له‌شكه‌رێن وان ژ هێلا په‌كه‌كێ ڤه، د ئۆپه‌راسیۆنێن به‌رسڤدانا بله‌ز ده وان ل 78 هه‌ده‌فێن په‌كه‌كێ خستنه.
ل گۆری ئیدیعایا وه‌زیرێ تركیێ، هەدەفێن کو ل باشوور و رۆژئاڤا كوردستانێ هاتنه ژ ناڤ برن ژ شکەفت، ستارگەهـ، تەسیسێن نەفتێ پێک تێن و د ئێریشان ده 77 چه‌كدارێن په‌كه‌كێ هاتنه كوشتن.
ل ئینییا رابووری د په‌ڤچوونێن ل گه‌ل په‌كه‌كێ، 9 عه‌سكه‌رێن ترك ل سینۆرێ ئامێدیێ هاتن كوشتن، پشتره ده‌وله‌تا ترك هه‌رێمێن مەتینا، خواکورک، گاره و قەندیل و هه‌ر وها چه‌ندین هه‌رێمێن رۆژئاڤا كوردستانێ بۆمبه‌باران كرن.
