سەرۆک بارزانی دەربارێ ئێریشێن مووشەکی یێن ل سەر هەولێرێ پەیامەک بەلاڤ کر
سەرۆک بارزانی دەربارێ ئێریشێن مووشەکی یێن ل سەر هەولێرێ دە پەیامەک ژ رایا گشتی رە بەلاڤ کر و تێ ده راگهاند كو بەرپرسێن ڤان تاوانان و یێن ل پشت ئێریشێن ل سەر هەولێرێ باش دزانن کو بوختان، بەهانە و ئیدیعایێن وان تو بنگەهـ نینن و ژ بۆ نخوماندنا پرسگرێکێن خوە ڤێ دەستدرێژی و زولمێ ل هەولێرێ و گەلێ کورد دکن.
په‌یاما بارزانی ووسایه:
ب ناڤێ خوەدایێ مەزن و دلۆڤان
هەر کەس دزانە کو ژ سالا 2020ان ڤە، هەولێر راستی ب دەهان ئێریشێن نه رەوا یێن مووشەکی و فرۆکەیێن بێفرۆکەڤان ژ ئالیێ پاسدارێن شۆرەشا ئیرانێ و هێزێن هەڤپەیمانێن وێ ڤە هاتیە. ئەڤ ئێریش ل دژی گەلێ کورد نەهەقیەکە ئەشکەرەیە.
بەرپرسێن ڤان تاوانان و یێن ل پشت ئێریشێن ل سەر هەولێرێ باش دزانن کو بوختان، بەهانە و ئیدیعایێن وان تو بنگەهـ نینن و ژ بۆ نخوماندنا پرسگرێکێن خوە ڤێ دەستدرێژی و زولمێ ل هەولێرێ و گەلێ کورد دکن.
دان بخوه گرتنا مە سینۆرێن خوە هەنە، د ئێریشا شه‌ڤا بووری ده ل هەولێرێ مالباتەک بێگونەهـ هات قەتل کرن، ئەم ڤێ یەکێ ب توندی شەرمەزار دکن. بێ شک ئەڤ ئێریشرنە جەسارەت ونه ژی مێرخاسییە، لێ ژ بۆ سووجداران شەرما هەری مەزنە.
ئەز ژ گەلێن ئیرانێ رە داخڤم و ژ وان ره دبێژم مە هەرتم رێز ل گەلێن ئیرانێ گرتیە و دەستێ دۆستانی و براتیێ درێژی وان کریە. دخوازم وان دلنیا بکم کو هێجەتێن ئێریشکەران ژ بۆ تاوانێن خوە یێن ل دژی هەولێر و گەلێ کورد، ت بنگەهـ نینن و دووری راستیێنە. ئەز ژ وە داخواز دکم، ئەگەر ئێریشکار رێ بدن وە، وەرن هەولێرێ و ب چاڤێن خوە راستیێ ببینن و ببینن کو چاوا سووجدار و ئێریشکار گەلێ کورد دخاپینن و ئیدیعایێن وان بێبنگەهن.
ئەو نکارن ڤێ زلمێ هەتا هەتایێ بدۆمینن و ئەم نکارن ل هەمبەری ڤێ زلم و نەهەقیێ بێدەنگ بمینن.
پەیاما من بۆ ئەنجامدەرێن ئێرشێن مووشەکی و فرۆکەیێن بێفرۆکەڤانێن ئیرانێ ئەڤە کو شەهیدکرنا ژن، زارۆک و وەلاتیێن مە ژ بۆ وە نه جهێ سەربلندیێ یە. هوون دکارن مە بکوژن لێ پشتراست بن کو هوون نکارن ڤینا مە و ئیراده‌یا مه ژ هۆلێ راکن.
گەلێ کورد خوە دسپێرە خوەدا و رەواتیا دۆزا خوە، خوەدا ژ هەر زالم و هێزەکی مەزنترە.
مەسعوود بارزانی
16ی کانوونا دوویه‌مین یا 2024ێ
