د دەرهەقا ئێریشێن مۆشەکی یێن ل سەر هەولێرێ کو ژ ئالیێ ئارتێشا پاسدارێن ئیرانێ ڤە هاتنە کرن، پارتیا وەلاتپارێزێن کوردستانێ (PWK) پەیامەک پارڤە کریە، ئەڤ دەقێ وێ یە:
بورۆیا راگەهاندنێ یا پارتیا وەلاتپارێزێن کوردستانێ (PWK): ئەم دەولەتا تەرۆریست یا ئیرانێ روورەش دکن
سوپایا پاسداران یا دەولەتا ئیرانێ، ب ژ 10ان زێدەتر مۆشەکێن بالیستیک ئێریش بر سەر هەولێرێ.
5 ژ ڤان مۆشەکێن بالیستیک مالا کارسازێ کورد پێشرەو دزەیی هەدەف گرت و پێشرەو دزەیی و کەچا خوە ژی د ناڤ دە، د ئەنجاما ڤان ئێریشان دە 5 سڤیل شەهید بوون، 17 سڤیل ژی بریندار بوون.
گەلەک خانییێن خەلکێ سڤیل زەرارەکە مەزن دیت.
ئەڤ ئێریشا تەرۆریستی یا سووپایێ پاسداران یەکسەر خەلکێ سڤیلێ هەولێرێ و بالافرگەها هەولێرێ ژ خوە رە کرنە ئارمانج.
ئەڤ ئێریشا دژمنانە یا دەولەتا تەرۆریست یا ئیرانێ نیشانا دژمناتییا گەلێ کوردیستانێ یە.
ئەم بانگی دەولەتا ئیراقێ و نەتەوێن یەکبوویی دکن دا کو، ل همبەری ڤان ئێریشێن هۆڤانە دەنگێ خوە بلند بکن، ژ دەولەتا تەرۆریست یا ئیرانێ هەساب بپرسن و رێ ل بەر ئێریشێن تەرۆرستی یێن دەولەتا ئیرانێ بگرن.
روهێ قوربانیێن ڤێ ئێریشێ شاد، جیهێ وان بهەشت بە.
ئەم سەرساخییێ ژ مالباتێن شەهیدێن ڤێ ئێریشێ و شیفایا خێرێ ژ برینداران رە دخوازن.
سەرێ گەلێ کوردستانێ ساخ بە.
