رێخستنا په‌كه‌كێ ده‌ربارێ ئێریشا سه‌ر هه‌ولێرێ ت داخویانی نه‌دانه و د مه‌دیایا خوه ده ئه‌ڤ بوویه‌را كو هه‌موو جیهان ل سه‌ر ئاخڤیه ته‌نێ ب نووچه‌یه‌ك دو رێزكی باسكریه و تێ ده گۆتیه «ئێریش سه‌ر هه‌ولێرێ چێبوو و 4 كوشتی هه‌نه».
رێخستنا په‌كه‌كێ كو ب ده‌وله‌تا ئیرانێ یا ته‌رۆریست ره تفاقه‌كه ستراته‌جیك هه‌یه و ب فه‌رمی نها بوویه به‌شه‌كی حه‌شدا شه‌عبی و میحوه‌رێ مقاوه‌مێ كو ب ئه‌جێندایا ئیرانێ ته‌ڤ دگه‌ره، كێفا وێ ب ئێریشا شه‌ڤا ده‌رباسبوویی یا شریكێن وێ سپایێ پاسداران یا ل سه‌ر هه‌ولێرێ هاتیه.
په‌كه‌كێ ت داخویانی نه‌دانه و ته‌ڤی كو ئێریش شه‌رمه‌زار نه‌كریه، د مه‌دیایا خوه ده نووچه‌یه‌ك دانایه كو ژ 2 رێزك و نیڤان پێكهاتیه و تێ ده گۆتیه «هه‌ولێر راستی ئێریشێ هات و 4 كوشتی هه‌نه».
رێخستنا په‌كه‌كێ كو ده‌سته‌كێ وێ ل پشت هه‌ر ئێریشه‌كه ئیرانێ یا ل سه‌ر هه‌رێما كوردستانێ هه‌یه، نها وه‌كه ئامۆره‌كی یه د ده‌ستێ ئیرانێ ده و ئه‌ڤ ده‌وله‌تا داگیركه‌ر په‌كه‌كه بۆ خوه ل دژی كورد و كوردستانێ ب كرێ گرتیه .
په‌كه‌كە ب تایبەتی ژ سالا 2014ێ هەول دده وێ راستیێ ڤه‌شێره كو ئیران «هشێ كوور یێ ئه‌نیا دژه كورده»، په‌كه‌كه هه‌موو هه‌وله‌كێ دده كو ناسنامەیا داگیرکەر یا ئیرانێ ڤەشێره و ڤێ ده‌وله‌تا ته‌رۆریست وه‌كه دەولەتەکا بێگونەهـ – ئاشتیخواز نیشان بده.
