سازییا ئیستخباراتا نەتەوەیی یا ترکیێ (میت)ێ راگهاند، یەک ژ بەرپرسێن پەکەکێ یا ب ناڤێ لیمان سوویەش ل قامشلۆیا رۆژئاڤایێ کوردستانێ ب ئۆپەراسیۆنەکا تایبەت ژ ناڤ بریە.
ئاژانسا فەرمی یا دەولەتا ترکیێ ئانادۆلویێ ب پشتبەستن ب ئاگاھیا کو ژ چاڤکانیێن ئەولەھیێ یێن ترکیێ وەرگرتی راگهاند، میتا ترکیێ لیمان سوویەش یا ب کۆدناڤێ “رحان عاموودێ” کو یەک ژ بەرپرسێن شاخا ژنان یا یەپەگێ یە و ئەنداما مەجلسێ یا پەکەکێ یە، ل قامشلۆیا رۆژئاڤایێ کوردستانێ تەسبیت کریە و پشت رە ئەو تەعقیب کریە و د ئۆپەراسیۆنەکە تایبەت دە ئەو کوشتیە.
ل گۆر ئاگاهیێن ئانادۆلویێ، سوویەشێ ل سووریەیێ سەر ناڤێ پەکەکێ رێڤەبەریا قادا جڤاکی کریە و چالاکیێن رێخستنیبوونێ ب رێ ڤە برینە، هەر وەها ل ھەرێما قامشلۆ یا ل سینۆرێ ترکیەیێ تەعلیماتێن قەندیلێ گهاندنە ئەندامێن رێخستنێ یێن ژن.
ئەڤ نە جارا یەکەمە بەرپرسێن پەکەکێ ل رۆژئاڤا کوردستانێ تێن ئارمانج گرتن و کوشتن، بەلکو ب سەدان جاران ئەڤ یەک دوبارە بوویە، لێ بەلێ تا نها ب ت ئاوا پەکەکێ ت داخویانی د ڤێ دەربارێ دە نەدانە، د دەمەکی دە کو گەر ئەڤ یەک ل هەرێما کوردستانێ بقەومە، پەکەکە هەر د زوو دە داخویانیان ددە و پەدەکێ و حکوومەتا هەرێما کوردستانێ ب پیدانا ئاگاهیان ب دەولەتا ترکیێ ژ بۆی کوشتنا بەرپرسێن پەکەکێ سووچبار دکە.
