د ئێریشێن ئارتێشا ترکیەیێ یێن د ناڤبەرا 13 و 15ێ چلەیێ دە، 20 وەستگەهێن ئەنەرژیێ ب تەمامی ژ کار دەرکەتن.
11 جهێن پەترۆلێ، ناڤەندەکە هلبەرینا ئەلەکتریکێ ، 7 وەستگەهێن ڤەگوهەستنا ئەلەکتریکێ و وەستگەهەکە گازێ ب تەمامی ژ خزمەتێ دەرکەتنە.
ئارتێشا ترکیەیێ ژ شەڤا 12-13ێ چلەیا 2024ان هەتا شەڤا 15-16ێ چلەیێ 80 دەڤەرێن ل هەرێمێن باکور و رۆژهلاتێ سووریەیێ بۆمبەباران و تۆپباران کرنە. د ئێریشان دە هەری زێدە بنەسازیا هەرێمێ هاتیە ئارمانجکرن.
ل گۆری راپۆرێن مەدیایی، ب تایبەتی ناڤەندێن پەترۆل، ئەلەکتریک و گازێ ل هەرێما جزیرێ هاتنە بۆمبەبارانکرن و زیانەکە مەزن گهیشتیە وان ناڤەندان.
هات راگهاندن، 11 جهێن پەترۆلێ، ناڤەندەکە هلبەرینا ئەلەکتریکێ، 7 وەستگەهێن ڤەگوهەستنا ئەلەکتریکێ و وەستگەهەکا گازێ هاتنە بۆمبەبارانکرن و ب تەمامی ژ خزمەتێ دەرکەتنە.
پێشتر ژی، رێڤەبەریا خوەسەر د داخویانیەکێ دە رۆژا 15ێ ڤێ مەهێ راگهاندبوو، ئارتێشا ترکیەیێ ژ دەستپێکا ئیسال و هەتا نها، 73 جاران ئێریش پێک ئانینە و ب گرانی ناڤەندێن خزمەتکاریێ و وەستگەهێن ئەنەرژیێ هاتنە بۆمبەباران کرن.
