ژێدەرەکی ژ ئەنجوومەنا ئاسایشا ھەرێما کوردستانێ دەربارێ ئێرشا مووشەکی یا ئیرانێ ل سەر ھەولێرێ دە راگھاند، ژ بۆ ئاشکەراکرنا راستیان، ئەنجوومەنا ئاسایشا ھەرێما کوردستانێ لگەل کۆمیتەیا حکوومەتا فەدەرالی ھەڤکاریێ دکە.
ژێدەرەکی ژ ئەنجوومەنا ئاسایشا ھەرێما کوردستانێ ئیرۆ د داخویانیەکێ دە راگھاند، “پشتی ئێریشێن مووشەکی یێن ترسۆنەک ل سەر ھەولێرێ و کارڤەدانا توندا حکوومەتا فەدەرالی یا شەرمەزارکرن و ئاڤاکرنا کۆمیتەیەکا لێکۆلینێ، ھندەک سازیێن ئیرانێ ژ بۆ رەواکرنا کریارێن خوەیێن ھۆڤانە، دەست ب بەلاڤکرنا نووچە و وێنەیێن دەرەو و نەرەوا کرنە.”
دا زانین ژی، “حکوومەتا ھەرێما کوردستانێ ب وێ کۆمیتەیا کو ژ ئالیێ حکوومەتا فەدەرال ڤە ھاتیە ئاڤاکرن رە ھەڤکاریێ دکە، ئاشکەریە کو ڤێ ئێریشێ وەلاتیێن سڤیلێن ھەرێما کوردستانێ کرنە ئارمانج و ئەڤ ھەولدان نکارن ئاراستەیا رایا گشتی یا ب ھێرس ل ھەرێما کوردستانێ و ئیراقێ بگوھەرینن.”
تەکەز ژی کر، “ھەرێما کوردستانێ پابەندی دەستوور و یاسایێن ئیراق و ھەرێمێ یە و ئەو ھێزێن ھەڤپەیمانانێن ل ھەرێما کوردستانێ ھەنە، ب ئاگاھداری و رازیبوونا حکوومەتا فەدەرالە.”
ھەروھا گۆت: “پێویستە ل سەر ئاستا ناڤخوەیا ئیراقێ و ناڤدەولەتی ژی گاڤێن جدی بێن ئاڤێتن، ژ بۆ پاراستنا سەروەریا ئیراق و ھەرێما کوردستانێ و پاراستنا وەلاتیێن مە ژ مەترسیا ناکۆکیێن ناڤچەیێ.”
