د ئەنجاما تۆپبارانا گرۆپێن چەکدارێن سەر ب ئارتێشا ترکیەیێ ڤە، 3 کۆچبەرێن عەفرینێ ل گوندەکی باکورێ حەلەبێ بریندار بوون.
ل گۆری مەدیایا خوەجھی، گرۆپێن چەکداران دوھ گوندێن ھەرێما شەھبایێ یا ل باکورێ حەلەبێ تۆپباران کرن و چەند تۆپ ل گوندێ شەعالێ کەتن، د ئەنجامێ دە ژی، 3 کۆچبەرێن عەفرینێ ل گوندێ سەعالا بریندار بوون.
ل گۆری ھاتیە بەلاڤکرن، کەسێن بریندار ژ یەک مالباتێ نە و ناڤێن وان وھا نە: محەمەد مستەفا (50 سالی)، ئەمینە بلێج (45 سالی) و رووسلین مستەفا (16 سالی).
ھەرێما شەھبایێ د ناڤبەرا ھەرێما عەفرین و حەلەبێ دەیە و د دەستێ یەکینەیێن پاراستنا گەل (یەپەگێ) دەیە. ژ دەما داگیرکرنا عەفرینێ ژ ئالیێ ئارتێشا ترکیێ و گرۆپێن چەکدارێن سەر ب وێ ڤە د ئادارا 2018 دە، دۆرا 150 ھەزار عەفرینی ل 5 کامپان و ل گوندێن وێ ھەرێمێ بجھ بوونە.
ئەڤ ئێریشا گرۆپێن چەکداران یێن سەر ب ترکیەیێ ڤە د دەمەکێ دەیە، سەرۆککۆمارێ ترکیەیێ رەجەب تەییب ئەردۆگان بەری دو رۆژان گەفا ئۆپەراسیۆنەکا نوو ل دژی رۆژئاڤایێ کوردستانێ ژ تل رفعەتێ ھەتا حەسەکێ خواربوو.
