ھێزێن سووریەیا دەمۆکراتیک (ھەسەد)ێ ئاشکەرا کر، ھێزێن وێ ئێریشی بارەگەھێن ئارتێشا ترکیەیێ و گرۆپێن چەکدارێن سەر ب وێ ڤە ل ھەرێمێن جودا کرنە و د ئەنجامێ دە 17 چەکدار و 2 لەشکەرێن ترک ھاتنە کوشتن.
ناڤەندا راگھاندنێ یا ھسدێ د داخویانیەکێ دە دیار کر، ھێزێن وان ل ھەمبەر ئێرشێن دەولەتا ترکیەیێ، بارەگەھێن ئارتێشا ترکیەیێ و گرۆپێن چەکداران، ل ھەرێمێن جودا کرنە ئارمانج.
دیار کر ژی، رۆژا 15 چلەیێ، ھێزێن مەجلسا لەشکەری یا منبجێ ئێریشی خالەکا چەکداران یا ل گوندێ سیادە کر و د ئەنجامێ دە 4 چەکدار ھاتن کوشتن.
ل عەین عیسایێ ژی، ھێزێن وان رۆژا 17 چلەیێ ب چەکێن گران ئێریشی بەندا کۆنترۆلێ و بارەگەھا ئارتێشا ترکیەیێ یا ل گوندێ شرکراک کرن. لێ ئاگاھیێن دەربارێ ئەنجامێن ڤێ چالاکیێ دە نەھاتن بدەستخستن.
ل گۆری داخویانیا ھەسەدێ، خال و بارەگەھێن ئارتێشا ترکیەیێ و چەکدارێن سەر ب وێ ڤە ل گوندێ تینا یێ باشوورێ گرێ سپی، ل گوندێ سەلیبی یێ رۆژئاڤایێ گرێ سپی ژ ئالیێ ھێزێن وان ڤە ھاتنە ئارمانجکرن و د ئەنجامێ دە شەر و پەڤچوون ژی دەرکەتنە و 17 چەکدار و 2 لەشکەرێن ترکیەیێ ھاتنە کوشتن.
