بالافرێن شه‌ر یێن ده‌وله‌تا تركیێ لڤ و ته‌ڤگه‌رێن په‌كه‌كێ یێن ل چیایێ گاره‌ی ل باشوورێ كوردستانێ بۆمبه‌باران كرن، 10 چه‌كدارێن رێخستنێ كوشتن.
ئاژانسا ئه‌نادۆلو ئیرۆ رۆژا یه‌كشه‌می 21\1\2024ێ به‌لاڤ كر، د ئێریشه‌كه ئاسمانی ده كو ل هه‌رێما په‌نجه كلیتێ هاتیه ئه‌نجام دایین، شكه‌فتێن چه‌كدارێن په‌كه‌كێ یێن ل چیایێ گاره هاتنه بۆمبه‌باران كرن.
ده‌ستنیشان كر، د ئه‌نجاما ئێریشێ ده، 10 چه‌كدارێن په‌كه‌كێ هاتنه كوشتن.
وه‌زاره‌تا پاراستنێ یا تركیێ دیمه‌نێن ئێریشا كو ل گاره‌ی ئه‌نجام دا یه، پارڤه كرنه.
ئارتێشا تركیێ ژ رۆژا 12 ڤێ مه‌هێ ڤه و پاش كوشتنا 9 له‌شكه‌ران ل سینۆرێ ئامێدیێ، ئێریشێن خوه یێن ل دژی په‌كه‌كێ ل باشوور و رۆژئاڤا كوردستانێ زێده كرنه، ل گۆری ئامارێن كو تێن راگهاندن، هه‌ری كێم 88 چه‌كدارێن په‌كه‌كێ د 9 رۆژان ده كه‌تنه به‌ر ئێریشان و هاتنه كوشتن.
