ژ بۆ ھلبژارتنێن شەرەداریا پارتیێن کو دکەڤن ھلبژارتنا بەربژێرێن خوە ئەشکەرە دکن. د ناڤا ھەر پارتیەکی دە پێڤاژۆیا کەشفکرنا بەربژێران جودایە. ژ بەر کو چ ببە بلا ببە د ئەنجام دە بەربژێر ژ ئالیێ ناڤەندا پارتیان ڤە تێنە کەشفکرن. ئەڤجا ھەر ئالیەکی ل گۆر خوە مەتۆدەک پەیدا کریە .
پارتیا دەم ژ بۆ دەستنیشانکرنا بەربژێرا دێ د ناڤا کەسێن کو سەری ل بەربژێریێ دایی ھلبژارتنەکی پێکبینە. د ڤێ ھلبژارتنێ دە یێن دەنگێ ھەری زێدە بستینە، دێ ببە بەربژێرێ شارەداریێ. ل گۆر داخویانیێن دەمێ، دێ رەڤەبەریا پارتیێ، مالباتێن شەھیدان و مالباتێ گرتیان دەنگا بدن.
لێ راستی نە ب ڤی ئاوایی رێڤە دچە. بەربژێریا شارەداریا مەزن یا مێردینێ دەلیلەک بوو، وەک ھەرجار ژ ناوەندەکی بەربژێر تێنە دەستنیشانکرن، ھلبژارتنا بەربژێرا وەک دن خاپاندنەکا مەزنە. ل مێردینێ ھلبژارتن چێبوون ئەحمەد تورک ژی خوە دابوو پێش، لێ د دورا یەکەم دە تورک دەنگێن پێوست وەرنەگرتن و ل ھمبەر ئەنجاما ھلبژارتنا بەرتەک نیشاندا و خوە ژ بەربژێریی ڤەکشاند. ھەروەھا تورک ب داخویانیەکی راگھاند کو ئەو دەست ژ سیاسەتا چالاک بەرددە. لێ جاردن ناڤەندا دیار گۆتێ، ل سەر دووڤێ خوە رونە و تو بەربژێری.
واتە یا کو دەم دکە، د راستیا خوە دە شانۆیەکە. بەشەک ژ رێڤەبەریا دەمێ دخوازن ئەو ل گۆرا پرۆسەسەکی بەربژێرا دەستنیشان بکن. لێ قەندیل رێ نادە ڤێ یەکێ و بریارا داوی د دەستێ وان دەیە.
ئەحمەد تورک ژی بەری نھا شەرەدارێ مەردینێ بوو، ل جهێ وی قەیووم هات دانان. باشە نھا ژ بۆ چ جاردن ھوون تورک دکن بەربژێر؟ یان ھوون ب خوە دخوازن دەولەت قەیووما دانە و ئەڤ یەک ببە مەلزەمەیا پرۆپاگاندەیا وە.
ھەرکەسەک یان ژی ئالیەک ڤێ سەناریۆیا کو قەندل دلەیزە دزانە. لێ چ فەیدە خەلک کەڕ و لالن…
