ل ئاکرێ و بەردەرەشێ خوەپێشاندانێن جەماوەری ل دژی ئێریشا ئیرانێ برێڤە چوون

ل دەڤەرێن ئاکرێ و بەردەرەشێ ل دژی ئێریشێن ئیرانێ یێن ل سەر ھەولێرێ خوەپێشاندانێن جەماوەری تێن کرن.

ئیرۆ 22/1/2024 ل دەڤەرێن ئاکرێ و بەردەرەشێ یێن سەر ب پارێزگەها دوهۆکێ ل دژی ئێریشێن ئیرانێ یێن ل سەر ھەولێرێ خوەپێشاندانێن جەماوەری هاتن لدارخستن..

خوەپێشاندەران ئێریش شەرمەزار کرن و داخواز کرن ئێدی ئەو ئێریش راوەستن و ئاخا ھەرێما کوردستانێ و ھەموەلاتی نەبن قوربانیێن وان ئێریشێن نەیاران.

شەڤا 15 بۆ 16 ڤێ مەھێ سپاھێ پاسدارێن ئیرانێ ب مووشەکان ھەولێرا پایتەخت کر ئارمانجا ئێریشێ و ژ بەر وێ ژی ھندەک ھەموەلاتیێن سڤیل شەھید و بریندار بوون.

ئەو کریار و ئێریشێن ئیرانێ راستی بەرتەکێن توند ھاتن و کورد ل ھەر جیھەکی لێ بن وان ئێریشێن ئیرانێ شەرمەزار دکن و نەرازیبوونێ نیشان ددن.