ئیرۆ 78مین سالڤەگەرا دامەزراندنا کۆمارا کوردستانێ ل مەهابادێ دەرباس دبە، کۆمارا کو هەر چەند ته‌مه‌نا وێ تەنێ 11 مەهـ بوون، لێ میراته‌كێ گرانبها بۆ نفشێن پاشەرۆژێ هێلا کو کورد هێژان ژی پێ سەربلندن، ژ وان سروودا نەتەوی یا ئه‌ی راقیب، ئالا کوردستانێ و ناڤێ پێشمەرگە.
د سالڤەگەرا 78 یا دامه‌زراندنا كۆمارا كوردستانێ دا ئه‌م ڤێ گۆتنا «پێشەوا قازی محه‌مه‌د» ل بیر دئینین كو د رۆژا مه یا ئیرۆ دا ژی راستییا خوە دپارێزیت:
«باوەریا خوە ب دژمنێن خوە، ب تایبەتی ژی ب عەجەمان نەئینن، ژ بەر کو عەجەم ژ چەند ئالییان ڤە دژمنێ وە یە، ئەو دژمنێ دین و نشتیمانێ وه یه و داگیرکەرێ ئاخا وەیە، دیرۆکێ نیشان دایە کو ئەو هه‌رده‌م ل به‌ھانەیان دگەرن، د تاوانێن ھەری پچووک دا ژی کوردان دکوژن، ئەو دکارن ل ھەمبەر کوردان ھەموو جورە تاوانان بکار بینن».
