ل پارێزگەها بەدلیسێ یا باکورێ کوردستانێ د ناڤ بارهلگرەکێ دە 76 کۆچبەرێن ژ ئەفغانستانێ هاتن گرتن و شۆفێرێ بارهلگرێ ژی هات دەستەسەرکرن.
ل گۆری داخویانیا پارێزگاریا بەدلیسێ تیمێن گرێدایی فەرمانداریا جەندرمەیان یا باژێر د چارچۆڤەیا رووبرووبوونا قاچاخچیتیا کۆچبەران دە بارهلگرەک راوەستاندیە و د ناڤ دە 76 کۆچبەر هاتنە گرتن کو ژ ئەفغانستانێ نە.
هەروها شۆفێرێ بارهلگرێ ژی ب ئیدیعایا “قاچاخچیتیا کۆچبەران” هاتیە دەستەسەرکرن و هێزێن ئەولەهیێ ئەو بریە دادگەهێ.
ل ئالیێ دن، ژ بۆ دەرسینۆرکرنا کۆچبەرێن دەستەسەرکری ژ هێزێن ئەولەهیێ ئەو برن رێڤەبەریا ئیدارەیا کۆچبەران یا پارێزگەهێ.
