وه‌لاتیه‌كی رۆژئاڤا كوردستانێ، ژ بۆ كو خوشكا خوه ئا بچووك ژ ده‌ستدرێژییێ رزگار بكه، كادرۆیه‌كی په‌كه‌كێ دده به‌ر چه‌قۆكان و وی ب گرانی بریندار دكه.
داركا مازی ژ چاڤكانیێن خوه یێن تایبه‌ت ل رۆژئاڤا كوردستانێ هین بوو كو ل ده‌ستپێكا مه‌ها كانوونا دویه‌مین یا ئیسال 2024ێ، جوانه‌كی رۆژئاڤا ب ناڤێ «حه‌سان ئه‌لـ نه‌صرات» كو ب نه‌ژاد ژ خرستیانێن گوندێ «العشره» یێ سه‌ر ب حه‌سه‌كێ ڤه یه، ب چه‌قۆكێ ئێریشێ كادرۆیه‌كی په‌كه‌كێ یێ ب ناڤێ كۆد «قورتای» كر.
هات زانین كو جوانێ ب ناڤێ حه‌سان ل سه‌ر گلییا خوشكا خوه ئا بچووك كو خوه‌نده‌كاره ئیریشی كادرۆیێ په‌كه‌كێ یێ ب ناڤێ قورتای كر، پشتی كو قورتای بۆ چه‌ندین جاران هه‌ولا ده‌ستدرێژیێ ل سه‌ر وێ كه‌چێ كری.
ل گۆری ئاگاهیێن ده‌ستێ مه، حه‌سان ل نێزی گوندێ خوه العشره ئێریشی قورتای كری یه و چه‌ندین چه‌قۆك ل وی دا نه و ئه‌و ب گرانی بریندار كریه، ژ بۆ چاره‌سه‌ریێ په‌كه‌كێ ئه‌و راكریه نه‌خوه‌شخانه‌یا تاخا نه‌شوه یا حه‌سه‌كێ.
كادرۆیێ په‌كه‌كێ قورتای ژ باكورێ كوردستانێ یه و د تیما كۆلاندنا توونه‌لان ده ل چیایێ عه‌بدولعه‌زیز د خه‌بتی.
