فەرمانداریا پێشمەرگەیێن زێرەڤانیێ راگهاند، ئیدیعایێن دبێژن وان فه‌رمان ستاندیه ژ بۆ کو پێشمه‌رگه‌یێ كوردستانێ ب په‌كه‌كێ ره شەر بکه دەرەون.
فەرمانداریا پێشمەرگەیێن زێرەڤانیێ رادگەهینە، «بەلاڤبوونا وێ نووچەیێ کو دبێژه بریار ژ بۆ هێزێن گرێدایی زێرەڤانیێ هاتیە دان کو بەرهنگاری چەکدارێن په‌كه‌كێ ببن ژ راستیێ دوورە»، هەروەسا ناڤەرۆکا وێ نووچەیێ ژی رەد دکە.
فەرمانداریا پێشمەرگەیێن زێرەڤانیێ دوهـ رۆژا دوشەمی 23\1\2024ێ رۆنکرنەک بەلاڤ کر کو تێدا ئاماژە دایە، «ل سەر تۆرێن جڤاکی نووچە و نڤیسارەکا ژ راستیێ دوور هاتیە بەلاڤکرن، کو بریار ژ بۆ هێزێن گرێدایی فەرماندەیا مە هاتیە دان کو بەرهنگاری چەکدارێن په‌كه‌كێ ببن. ئەم ل ڤێ دەرێ ژ رایا گشتی رە رادگەهینن کو ئەڤ نڤیسار ساختەیە و ئەم سەر و بنێن وێ نووچەیێ ژی رەد دکن».
د وێ رۆنکرنێ دە هاتیە، «وەکی فەرماندەیا پێشمەرگەیێن زێرەڤانیێ، ئەم وەسا دفکرن کو بەلاڤکرنا وێ نووچەیا ساختە د ڤێ دەمێ دە د چارچۆڤەیا وێ هەلمەتێ دە یە یا کو ئەڤ چەند رۆژن پشتی مۆشەکبارانکرنا هەولێرێ ژ ئالیێ نەحەزان ڤە دەست پێ هاتیە کرن».
