خوەنیشاندانێن شەرمەزارکرنا ئێریشا مۆشەکێن بالستی یا ئیرانێ ل سەر هەولێرێ و شەهیدکرنا وەلاتیێن سڤیل ل هەرێما کوردستانێ بەردەوامن، ئیرۆ ل شێخانێ و ئیدارەیا سەربخوە یا گەرمیانێ خوەنیشاندانێن وەلاتیان ژ بۆ شەرمەزارکرنا وێ ئێریشێ هاتن کرن.
د وێ خوەنیشاندانێ دە، ب بلندکرنا وێنەیێن شەهیدێن وێ ئێریشا مۆشەکی و ئالایا کوردستانێ، وەلاتییان ده‌وله‌تا ئیرانێ رووره‌ش و شەرمەزار كرن و داخوازا دانانا سنۆرەکی ژ بۆ دەستدرێژیێن ئارتێشا پاسدارێن ئیرانێ كرن.
دوهـ رۆژا سێشه‌می 23\1\2024ێ ل سلێمانی، هەلەبجە، راپەرین، سۆران و رانیه خوەنیشاندان ل دژی ئێریشێن ئیرانێ هاتبوون كرن.
ل رۆژێن رابووری ژی ل هه‌ر یێك ژ باژێرێن هه‌ولێرێ، دهۆكێ، زاخۆ و ئاكرێ و هه‌ژماره‌كه باژارۆكێن دن یێن هه‌رێما كوردستانێ، هه‌ر وه‌ها كوردێن ل سه‌رانسه‌ری دنیایێ، خوه‌نیشاندانێن به‌رفه‌ره‌هـ ل دژی ئێریشا ئیرانێ یا ل سه‌ر هه‌ولێرێ ل دارخستن و تێ ده وان ئه‌ڤ ئێریش ب ته‌رۆریست، نه‌مرۆڤی و ب بێ هنجه‌ت ناڤ كرن.
