ئیرۆ چەکدارێن پەکەکێ ل دەڤەرا ئامێدیێ ئێرشی ھێزێن پێشمەرگەیێن ھەرێما کوردستانێ کرن.
ئیرۆ چەکدارێن پەکەکێ ل خالا کۆنترۆلێ یا جێگیر یا ل سەر رێیا سەرەکی یا ئامێدیێ شێلادزێ گولـلە بەردان ھێزێن پێشمەرگە و پشت رە ژ وێ دەرێ رەڤیان.
ھاتە دیارکرن کو ھێزێن پەکەکێ گولـلە بەردانە ھێزێن کو ھەرێمێ کۆنترۆل دکن و ب وەساییتەکێ رەڤیانە.
هەرچەند پەکەکە دزانە خالەکا جێگیر یا کۆنترۆلا رێ یا پێشمەرگەیان ل وێ دەرێ هەیە ژی، لێ چەکدارێن پەکەکێ ل وێ خالا کۆنترۆلێ یا پێشمەرگەیان دایە و پشت رە ژی گولـلە بەردانە پێشمەرگەیێن ل وێ خالا کۆنترۆلێ.
چەند رۆژ بەرێ د مەدیایا ب ناڤێ شار پرێس دە کو نێزیکی رێڤەبەرێن یەنەکێ یە و ناڤەندا وێ ل سلێمانیێ یە، بەلگەیەکە سەختە ب سەرناڤێ “ھێزێن زێرەڤانی دێ ئێرشی پەکەکێ بکن” ھاتبوو بەلاڤکرن. شار پرێس پشتی داخویانیا فەرمانداریا زێرەڤانی کو نووچەیا وان ب دەرەو دا دیارکرن، نووچە ژێ بر. ھەر چقاس نووچە و بەلگەیا ھاتیە وەشاندن دەرەو بوو ژی لێ مەدیایا پەکەکێ ب ئاوایەکی بەرفرەهـ ئەڤ نووجە خست رۆژەڤێ.
دارکا مازی دەربارێ مژارێ دە راپۆرەک وەشاند و دیار کر کو ئیران ژ بەر کەشوهەوایێ کو پشتی ئێریشا ل سەر ھەولێرێ ژ بەر چالاکیێن “یەکیتیا نەتەوەیی و خوەدیدەرکەتنا ل ھەولێرێ” پێک ھاتین، یەنەکە و پەکەکە ئەرکدار کرینە. رۆژەڤێ بگوهرینن و گڤاشا ل سەر ئیرانێ د هوندرێ باشوورێ کوردستانێ کێم بکن، ھەر وھا ھات گۆتن پەکەکەیا کو پلان دکر د بھارێ دە ل سەر خەتا گارە-برادۆست ئێرشی ھێزێن پێشمەرگە بکە، ژ بەر کەشوهەوایێ کو چێبوویە عاجز بوویە و دێ چالاکیێن کو دێ پێڤاژۆیێ سەختە بکە، ئەنجام بدە.
ئیرۆ ھێزێن پەکەکێ ژ بۆ ئیستیفزازکرنا ھێزێن پێشمەرگە ل دەڤەرا ئامێدیێ گولـلە بەردان پێشمەرگەیان و خوەست ئاژاوەگێریێ دورست بکە و بەهانەیەکی ژی ژ بۆی ئێریشا خوە یا پلانکری چێبکە.
